|
иккинчи оятда
قَوْلٌ مَّعْرُوفٌ وَمَغْفِرَةٌ خَيْرٌ مِّن صَدَقَةٍ يَتْبَعُهَا أَذًى
(Яхши гап ва кечириш — кетидан озор келадиган садақадан яхшироқ) икки ҳолатдан яъни, озорли садақа билан яхши гапдан қайси бири афзаллиги кўрсатиляпти.
(لاَ تُبْطِلُواْ صَدَقَاتِكُم بِالْمَنِّ وَالأذَى берган садақаларингизни миннат ва озор билан йўққа чиқарманг!). Бу оят эса озор ва миннат садақани чиппакка чиқариб юборишини баён қиляпти.
Биринчи оятда ажрга эришишнинг шарти миннат ва озорнинг бўлмаслиги эканлиги айтиляпти.
Иккинчи оятда миннатли ва озорли садақадан кўра яхши гапнинг афзаллиги баён қилиняпти.
Учинчи оятда эса миннат ва озор садақани йўққа чиқариши кўрсатиляпти. Биринчи оятдан жиҳод йўлида қилинган закот ёки садақа ўрнига ўтаверадию лекин унинг савоби бўлмайди, деган маъно тушунилиши мумкин эди. Мана бу охирги оят
لاَ تُبْطِلُواْ صَدَقَاتِكُم
(берган садақаларингизни йўққа чиқарманг!) миннатли ва озорли садақанинг ўрнига ўтмаслигини айтиб, мазкур тушунмовчиликка барҳам беряпти. Яъни, бундай ҳолатдаги садақанинг ботиллигини ифодалаяпти.
Шундан сўнг Аллоҳ Таоло молини холис Худо учун, охират учун эмас, риё учун, хўжакўрсинга сарфлайдиган кимсага бир масал зарб қиляпти. Бундай тарздаги нафақа силлиқ тош устидаги тупроқ кабидир. Қаттиқ ёмғир ёғса, ҳаммасини ювиб кетади. Яъни, бундай нафақанинг ҳеч қандай қадри ҳам, қиймати ҳам йўқ. Унинг эгаси Аллоҳдан ҳеч қандай ажр, мукофот олмайди. Бундай нафақа эгасига бу дунёда ҳам, у дунёда ҳам фойда бермайди.
Аллоҳ Таоло оятни кофирларнинг Аллоҳ томонидан бўлган бир ҳидоят устида эмасликларини, балки очиқ залолатда эканликларини баён қилиш билан якунлаяпти.
لاَ تُبْطِلُواْ صَدَقَاتِكُم بِالْمَنِّ وَالأذَى كَالَّذِي يُنفِقُ مَالَهُ رِئَاء النَّاسِ وَلاَ يُؤْمِنُ بِاللّهِ وَالْيَوْمِ الآخِرِ
(Молини одамларга кўрсатиш учун берадиган, Аллоҳга ва охират кунига ишонмайдиган кимсага ўхшаб, берган садақаларингизни миннат ва озор билан йўққа чиқарманг!) яъни, эй мўминлар, миннат ва озор туфайли садақаларингизни бекор, фойдасиз қилиб юборманглар. Мунофиқлар Аллоҳга ва охират кунига ишонмаганлари туфайли ўзларининг нафақаларини риё билан йўққа чиқарадилар. Сизлар ҳам ўшаларга ўхшаб қолманглар.
140-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232